Miley Cyrus-i’n 2026 iHeartRadio Music Awards-ah Innovator Award dawng dawn
March ni 26-a Dolby Theater, Hollywood-a sem tur 2026 iHeartRadio Music Awards-ah Miley Cyrus chu Innovator Award dawng tura puan a ni a, he award hi pop culture leh music industry tana a thawh hlawk avanga hlan tur a ni. He award hi Pharrell Williams, Justin Timberlake, U2, Bruno Mars, Chance the Rapper, Alicia Keys, Taylor Swift, Beyoncé leh Lady Gaga te pawhin a lo dawng tawh.
Kumin iHeartRadio Music Award hi Ludacris-a’n a host dawn a, ani hian 2024 khan award semna hi a lo host tawh bawk. Luda hian show a host bakah a perform nghal dawn a, Landmark Award a dawng bawk ang. Landmark Award hi rimawi khawvel a daih rei leh tlo te hnena hlan thin niin, Green Day, TLC leh Nelly te pawhin an lo dawng tawh.
2026 iHeartRadio Music Award-ah hian Alex Warren chuan Breakthrough Artist of the Year a dawng dawn tih pawh an lo puang tawh a, ani pawh hi a perform nghal dawn a, Lainey Wilson, RAYE te bakah TLC, Salt-N-Pepa leh En Vogue te pawh a vawi khat nan an perform-ho dawn bawk a ni.
Miley Cyrus-i’n 2026 iHeartRadio Music Awards-ah Innovator Award dawng dawn
