Mini Countryman Shadow Edition India-ah tlangzarh

Mini Countryman Shadow Edition India-ah tlangzarh
Mini chuan an Countryman SUV chu limited edition, Shadow Edition an tih chu India-ah an tlangzarh a, Countryman Cooper S JCW zul deuha an siam niin, a cheina an tidanglam deuh a, India-ah hetiang car hi 24 chiah an hralh chhuak dawn a, showroom-ah Rs 49,00,000 man a ni a, Mini India website-ah booking a tih theih.
Shadow Edition hi a pawnlamah Piano Black paint neiin, a bonnet scoop leh hmalam fender-ah matte finish a nei a, Cipillar chungah Shadow Edition sticker a nei bawk. 18-inch alloy wheels leh John Cooper Works aerodynamics kit a nei bawk. A chhunglamah electrically adjustable front seat. panoramic sunroof, touchscreen infotainment system neiin, Apple CarPlay a support a, Harman Kardon sound system a thuam a ni bawk.
A chuangte himna atan airbag paruk, dynamic stability control, cornering brake control leh cruise control, park distance control leh parking camera te pawh a nei.
Mini Countryman Shadow Edition hian 2.0-litre 4-cylinder turbocharged petrol engine neiin, 176 bhp @ 5,000-6,000 rpm leh 280 Nm torque @ 1,350-4,600 rpm pechhuak thei a ni a, 7-speed automatic transmission neiin, second 7.5 chhungin 0-100 kmph a chakin a tlan hman a, a top speed chu 225 kmph a ni.