Kolasib bialtu MLA, minister K Lalrinliana chu KVK Kolasib ram chhuh a tumnaah diklo taka thil tih tumah an ngai tih an sawi
Congress Thalai Hqrs. thuchhuak chuan cabinet minister leh Kolasib bialtu MLA Pu K Lalrinliana hian July 12-a KVK Kolasib ram theh tum chungchangah MJA Kolasib District chu tan bik nei (bias) ah puhin, Kolasib-a journalist-te chu an awmna party nen lam a hriat vek thu a sawi bakah an awm na party hming ni awma a hriatte a sawichhuak hial chu mak a tiin, pawi a tih thu a sawi a. Thudik leh thildik duha hma latu Kolasib journalist-te thlavang hi Congress Thalai chuan a hauh tlat tih Pu K Lalrinliana hi an hriattir tih a sawi.
‘Mizoramin minister leh MLA kan neih tawhte zingah journalist-ten thudik leh thildik hailang tura hma an lakna kawngah mawi lo leh dik lo taka tawngkhuma sawichhe duhtu hi an awm kan la hre ngai loa, Kolasib bialtu MLA Pu K Lalrinliana hian a tih loh tawp tur a tih bakah KVK Kolasib ram theh tum chungchangah hian diklo taka thil tih tum a nei tih a tichiang hle ah kan ngai,’ a ti.
KVK ram theh tumnaa thil fel tawk lo awm nia langah Kolasib journalist-te hmalakna an thlawp a, mawi lo taka journalist-te mipui hmaa a tawngkhum avang hian ngaihdam dil ngei turin Pu K Lalrinliana hi an phut tih Congress Thalai thuchhuah hian a sawi bawk.
Minister hian diklo taka thil tih a tumah kan ngai – Congress Thalai
