ollege of Nursing, RIPANS chuan, 26th Lamp Lighting and Oath Taking Ceremony chu nimin khan RIPANS Auditorium Zemabawkah an hmang a, EF&CC minister Lalthansanga, bialtu MLA ni bawk chuan khuallian niin a hmanpui.
Lalhmingmawii Principal, Apollo School of Nursing chuan, ‘Florence Nightingale Pledge” Bati Chhia Nurse thutiam lak tir a kaihhruai a. Thutiam latute hi B.Sc Nursing zirlai 55 an ni a, heng zirlai 55 zingah hian NE States 7 leh Sikkim bakah Prime Minister Special Quota hnuaiah Jammu& Kashmir atanga lo zir te an awm a ni.
College of Nursing, RIPANS hian a vawikhat nan ‘Best Preceptor Award’ hlanna an nei a. Best Preceptor Award hi, RIPANS zirlaite duty-na hospital pali, heng Civil Hospital Aizawl, Kulikawn Hospital, Mizoram State Cancer Institute leh Zoram Medical College & Hospital, Falkawn atanga nurse kaihhruaina leh zirtirna lo pe tha ber zirlaiten an thlan chhuah hnenah pek a ni a. Heng Best Preceptor pali te hi khuallian minister Lalthansanga chuan Preceptor Award a hlan nghal a ni.
RIPANS College of Nursing hi Mizorama Nursing College hmasa ber niin kum 1996-ah din tan a ni a. Tun dinhmunah BSc.Nursing batch 27 atangin graduates 879 an awm tawh a, M.Sc Nursing batch 3 atangin mi 65-in an zir chhuak tawh bawk a, India ram leh ram pawn hmun hrang hrangah an thawk mek a ni. Nakum session atangin ‘Ph.D in Nursing’ hawn tuma hmalak mek a ni bawk.
Minister-in RIPANS Lamp Lighting hmanpui
