Minister leh adviser to CM
ten kawng siam mek an vil
ZPM Legislature Party thukhawmin a lo rel tawh angin, Thawhtanni khan minister C Lalsawivunga leh adviser to chief minister Er Ginzalal-te chuan Kawnpui – Sairang inkar kawng siam mek an vil ve thung a. NHIDCL leh PWD hotu a hmuna awmte nen chak zawka hmalak dan tur an sawiho.
Kawnpui leh Sairang inkar kawng chhe lai zawhin, an thawh chin enfiah zel a ni a, hnathawktute chu chak taka thawk tur leh a chhe zual lai ngaipawimawha siamtha thuai thuai turin an hriattir.
ZPM Legislature Party hian helai kawngpui chhia avanga harsatna vil turin Crisis Management Committee a din a. Kawngpui siam mek hi nitin minister leh MLA pakhat ve ve talin tlawh ziah turin an rel a, NHIDCL leh PWD hnathawh hi a hmunah endikin an vil thin dawn a ni.
Minister leh adviser to CMten kawng siam mek an vil
