Uttar Pradesh a cheng, kum 46 mi, kum 14 a tlin atanga sam la zuah ta char char Smita Srivastava chu Guinness World Records-in khawvela mihring damlai zinga sam sei berah a puang. Smita Srivastava sam hi 236.22 cm (feet 7 leh inches 9) a sei a ni.
Srivastava chuan, “Indian culture-ah chuan pathiannu ten sam sei tak tak an nei tlangpui a. Kan society-ah sam tan hi mawi kan ti chiah lo, chuvangin hmeichhia ten sam kan zuah tlangpui a ni. Hmeichhe sam sei chuan a mawina a belhchhah a ni,” a ti.
Smita Srivastava hian kar khatah a sam hi vawi hnih a su tlangpui a, a lu suk, tih ro leh khuih mam te nen chuan darkar thum vel tal a mamawh. A sam chu a ro vek hnuah a khuih thin a, chumi hnuah a tawm leh thin. A sam tla te pawh a paih ngai lo va, kum 20 chhung a dah khawl tawh nghe nghe a ni.
Minung zinga sam sei ber Smita Srivastava
![](https://theaizawlpost.org/wp-content/uploads/tap_logo-min-large.jpg)