‘Men are crazy’ an tia lawm. Chutah skinny jeans leh baggy casual tee nen, style takin, confi bawk siin han lem vel chhin teh leh. Mipa te chu ‘crazier’ a ni mai!
Mipa mita i duhawm riau theih dan kha kawng tam tak a awm, mahse, i rin loh deuh, mipa mita tilang duhawm riau tu che a awm niin realtionship lama mithiam ten an sawi a, kan rawn tarlang e.
1. Make-up tel loin. Oops, sorry girls. Mipa chuan i mit i hnawih dur ham mai te kha a hmu miah lo thei tlat, chutiangin i make-up thar khan a tih lan tha sawt che em tih lam pawh a ngaihtuah lem lo. Make-up tel loa i awm khan duhawm an tiriau ang che.
2. Mipa tam zawkin hmeichhe dul thep zaih mai, zero size ang chi ho hi sexy an ti mang tlat lo. Ria-chawmbat kan tih ang chi hian an mit a la ber tlat. Chuvangin khal talh rawh!
3. Physical contact ringawt a ni lo. Fiamthu thawh la, ring tak tak pawhin nui rawh, chu chu mipain duhawm a ti. Mahni insawisak (fiamthu thawh nana inhman) te pawh an lawm riau a nia.
4. Nangmah kha ni tawp rawh, i nih loh anga lan tum suh.
5. A chang chuan tawngkam pawhraw deuh te pawh han hmang ve zauh chhin teh. Mipain an lawm riau a nia. Mahse, i ti lutuk palh ang e, a awm tawk thliar thiam a tha.
6. Ti thlip thlep lo deuha chet chang te pawh nei ve teh. Engkim hre vek ang maia awm te hi mipain an ngaithei tehchiam lo a nia.
7. Sam khuih mam lo, thur leh hnawk deuh niai te hi mipa ten nalh an tih tlat pek chu!
8. Eye contact mawlh mai hi a pawimawh, awmze nei taka men no vel dan i thiam phawt chuan mipa chu i luanliam tir hneh khawp ang. Chutianga men vel chu zak suh, i thiam loh pawhin zir rawh!
Mipa ten eng nge an duh
![](https://theaizawlpost.org/wp-content/uploads/2023/03/mipa.jpg)