Mipa ten hmeichhe tihlawm dan ur an ngaihtuah a, “Eng nge an duh zawng ni ang aw?” tih te an ngaihtuah thin. Chutiang chiahin hmeichhia te pawhin mipa te duhzawng hriat sak ve a ngai a ni. Mipa zawng zawng an inang vek lova, an mizia leh nungchangah danglamna an nei deuh vek. Mahse, psychologist te chuan heng thilah te hian a tlangpui thuin mipate rilru a thuhmun niin an sawi.
1.Mipa thenkhat chuan hmeichhe tihlawm nan leh an hmangaihna lantir nan chetziain an tilang thin a, chu chu hmeichhiain hriatthiam a ngai a ni. Hmeichiain ngaihtuah uluk a ngai, mipa chuan in chhung sekrek khawih te a lo peih thar thut em, chu chu a hmangaihna che a lantirna a ni. Nangmah hrilh lawk kher lo chein i tih tur a lo tih sak che em. Thilhote pawh nise, mipain a tihchhan chu hmeichhiain hrethiam ngei se a duh thin.
2. Hmeichhia ten mipain an thusawi an ngaithla tha peih lo, niin an sawi thin. A dikna chen pawh a awm ang, mahse, mipa tam zawk chuan ngawi renga lo ngaihthlak hi an duh zawk thin. ‘Nia’, ‘A dik alawm’, ‘A nih tak chu’, tih velin i thusawi karlakah a lo inrawlh loh vang ngawtin i thusawi a ngaithla lo tihna a ni lo a nia.
3. Mipa chuan anmahni zar deuh cheng reng hmeichhia chu an ning thuai mai thin, chutiangin hmeichhe phun peih lutuk an nin zawng tak a ni. Mipa chuan ama duhzawng venthawn nei lem lo han tih ve theihna hun te an duh thin. A nuam tihzawng te a tih theihna tur hun thawl pek thiam tur a ni.
4. Mipa chu i chetziain i duhzawng hrilh tum suh, a hrethiam chuang lovang. Mipa te chuan an lakah hmeichhiain beisei a nei a nih chuan chetzia a lantir kual vel lova tawgkaa sawi mai turin an duhzawk thin.
5.Nupa nunah hmeichhia zawkin chet a lak hmasak chang a awm hian mipa an phur riau thin.
Mipa ten engnge an duh
