Mipa tam zawk hian engtik emaw lai chuan an ngaihzawng te lakah an nih loh ang taka lan tumin eng game emaw chu an khel ve deuh theuh ang. Chu chu thil pawi lutuk pawh a ni lo, mahse, game chu a khel nasa lutuk deuha i hriat chuan titi pui a fuh ang.
1. Mipa chuan hmeichhe bula pa tak anga lan a tum thin. Engmah hlauh nei lo pawisak nei lo anga lan te a tum a. Mahse, mipa te hi an lan anga pâ tak an ni vek lem lo, hmeichhe mita pâ tak anga lan an duh mai a ni. An hmangaih tak tak che a nih chuan hetianga intih pa vel hi bansanin, i duhzawng a tihsak zawk ang che.
2. Mipain “I hairstyle thlak la i inhmeh zawk ang,” a ti deuh fo emaw, “Inti cher deuh la,” emaw “I inchei dan thlak la,” emaw a tih deuh chhen chuan i rilru tihhah phah duh chuang suh, i inhmeh zawng chu nangman i hre daih zawk. A sawisel deuh reng che a, i awmdan thlak sak che a tum fo a nih chuan, a relationship status pawh a thlak a hun tawh a ni ang.
3. Mipain i lakah eng emaw beisei a neih chuan a duat che ang a, tihlawm dan tur che a ngaihtuah ang. I lakah mipa a tha thar thut a nih chuan a lakah fimkhur ang che. A fakna che aw ka leh a care dan che kha a ti tak tak nge a vehthlem che, tih te ngaihtuah chiang rawh. Chutiang chu a chin than a nih chuan ngaihthat lohna tur a awm lo a, mahse, a tih ngai lem loh a nih a, a ching thar thut a nih chuan a phenah eng emaw tak a awm ngei ang.
4. Mipain a hmangaih che tih a hrilh fo che a, mahse, nupui neih lam a la ngaihtuah lo a, nghak rih turin a ti thin che a. In inkar chu kal thui lutuk a duh rih lo ni ten a sawi a nih chuan i lakah game a khel mai mai tihna a ni. Mipa chuan an duh zawng hmuhna turin thil chi hrang hrang an ti ve thin a nia. A duh tak tak lo che ni a i hriat chuan, midang zawng daih rawh.
5. A then che a, i lakah bawk a rawn tlu lut leh a. “I tel lo chuan ka awm thei ngang lo a ni,” tiin a then tawh hnuah che a rawn chhai thar leh thin che a nih chuan i lakah game a khel mai mai tih hria ang che. ‘Ni’ ‘ni lo’ ‘ni leh tawh’ tih vela inawm deuh reng chuan a duh tak tak lo che tih hrethiam mai rawh.
Mipa ten hmeichhe laka eng game nge an khelh
