Mipain i hriat atana a duh
Hmeichhia te khan uluk takin chhiar rawh ule. Relationship lama mithiam ten, mipain an ngaihzawng/kawppui ten hria se an tih deuh deuh te an thlang chhuak a, chungte chu kan rawn tarlang e.
1. Mipa chu a inti pa viau mai thei, a rilru hrehawm a tihna leh rilru natna te pawh tih lan loh hram hram a tum thin a ni mai thei. Mahse, mittui tlak chang an nei ve tho a, chutiang hunah chuan hmeichhia ang bawkin hnemtu a mamawh ve tho a ni. Kuah la, pawm la, chu chuan a tizang khai ve huai thei a ni.
2. I rilru te hre vek turah ngai suh. Hmeichhe thenkhat chuan mipa ten hmeichhe rilru hre viau turah an ngai a, chuvangin, a chetzia leh a awmdan atangin amah hmangihtu chuan a hrethiam zung zung turah an ngai thin. Eng emaw vei i nei tih te chu a hrethiam mah na, mahse, eng nge i ngaihtuah a, engin nge tibuai che tih te chu i sawi kher loh pawha hrethiam tura i beisei chuan a fair bik chiah lo. I rilrua awm te chu sawi chhuak turin a duh che a ni.
3. Mipa chu khawlaia inkai riala kal te a zak awm deuhin a awm maithei a, candlelight dinner han kil dun te pawh tul ti lo awm takin a awm mai thei. Chutianga a awm a nih pawhin chutiang chu a duh tak tak lo tihna a ni chuang lo. Mipa ten hmeichhe romantic deuh bula awm hi nuam an ti ru riau a nia.
4. Mipa dik tak chu an kawppui te zah thiam a, an zalenna te ngai pawimawh thiam te hi an ni a. Tuktin par ang leka hmeichhia te ngai mi chu mipa dik tak a ni ngai lo. Chuvangin, mipa chuan harsatna leh hun harsa a tawh chang pawha atana awm thin turin a duh che a ni.
Mipain i hriat atana a duh
