BJP Mizoram State office bearers thukhawm chuan central scheme hrang hrang kaltlanga mipui tana hamthatna awm thei chu a nih dan tur ang taka Mizoram mipuiin kan chhawr theih dan sawiho in, mipui tana hmalak theih awm apianga hma lak nise an ti.
2024 Lok Sabha inthlan atan inbuatsaih dan rel a ni a. 2023 MLA inthlanpui thlirlet niin, Pathian leh mipui zara MLA pahnih an nei thei chu lawmawm an ti a, tun aia nasa lehzuala mipui tana rawngbawl turin theihtawp an chhuah zel dawn tih an sawi. BJP vote tute zawng zawng chungah lawmthu an sawi a ni.
BJP-in activity an neih mek Viksit Bharat chu India rama hnam hrang hrang awmte thliarhrana an awm loh nan rualkhai taka India sawrkar leh mipuiin an hriat tlan theih nan buatsaih tum a ni tih an sawi.
Narendra Modi app leh social media platform kaltlanga faina chungchanga hmasawn pawimawh zia tarlan, hnam culture hrang hrang tarlan, digital payment hman tam, ram leilung hausakna a tam thei ang ber pho chhuah leh hmeichhiate dinhmun chawisante chu an bawhzui tur zingah an dah bawk.
Mipui tan central scheme chhawr theih dan tur rel
