Prime Minister Narendra Modi chuan tun hnaia Assembly inthlan result chuan chiang takin mipui ten ‘Modi’s guarantee’ a rinna an nghahzia a pholang a ti a, political party \henkhatte hian tihhlawhtlin loh tur an intiam avangin engmah hlawkpui an nei dawn lo tih an hrethiam lo a ni, a ti bawk.
Viksit Bharat Sankalp Yatra (VBSY) beneficiary te nena video conferencing an neihnaah Modi chuan Central sorkar chuan mipuite chu an flagship programme-te hmangin a pawh vek a ni a ti bawk a.
Politics lama a elpuite sawiselin Modi chuan inthlana chak hmain mipui rilru hneh hmasak a ngai a, mipuite finzia an namnul a thiang lo a ti bawk a. Inthlan hi social media ah chauha inbeihna chi a ni lo, mipui teah zawk a ni ti bawkin sorkar hmasate khan politics a an ham\hat aiin mipui ngaihtuah se chuan tuna a hun lai a\anga mipui tam ber te harsatna an chinfel mek hi kum 50 kalta khan chinfel a ni tawh ang a ti bawk.
Prime Minister chuan mipuite tana rawngbawl tura awm a nih thu a sawi bawk a. Atan chuan mirethei, nu, fanu, unaunu, loneitu leh \halai te chu VIP an ni, a ti bawk.
Mipui-ten Modi guarantee-ah rinna nghat ti
