MPCC President Lalsawta chuan, ZPM-in mipui thlan chhuahte veng turin Val Upa Council an din, tiin a sawi.
He thu hi Lunglei Municipal Council inthlan campaign Lunglei khawpui chhunga Congress Party buatsaih vantlang inkhawmah Lalsawta chuan a sawi a. “Kan aiawh kan thlan chhuahteah hian mawhphurhna sang tak a awm a, chutiang tur chuan ven ngai lo mi dik, mi tha kan thlang mai zawk tur a ni. Sorkar tha lo hnuaiah mipuite retheihna a zual thin a, tunah hian sorkar tha lo kan hrawn mek avangin mipuite retheihna tiziaawm turin Congress Party chuan sorkar tha din an tum a ni,” a ti bawk.
Lalsawta chuan, Lunglei khawpui chu khawpui pawimawh tak ni mah se rualawhna tam tak a la awm avangin Lunglei khawpui tan thuneihna insemzai a pawimawh tih a sawi a. Hemi tur hian LMC-ah sorkarna an chan chuan hma an lak tur thu sawiin, Lungleiin Municipal Council a neih dawn takah chuan mi harsa zawkte innghahna NREGS a bo dawn a, kum 2023 inthlanpuiah Congress Party-in sorkarna an siam chuan Municipal area chhunga cheng mi harsate inhlawhna tur Urban Employment Guarantee Scheme buatsaih an tum tih a sawi bawk.
Mipui thlanchhuahte veng turin Val Upa Council din: Lalsawta
![](https://theaizawlpost.org/wp-content/uploads/tap_logo-min-large.jpg)