Miss Universe India-ah Evelyn

Saikhamakawn nula, Evelyn Zachhingpuii chu Miss Universe Mizoram atan thlan a ni a, Miss Universe India thlannaah Mizoram ai a awh dawn a ni.
Miss Universe India atana audition hi May ni 1, 2025 khan Guwahati-ah neih a ni a, hetah hian Miss Universe Assam, Miss Universe Manipur leh Miss Universe Tripura te pawh thlan nghal niin, Miss Universe Arunachal thlanna erawh April ni 26 khan Itanagar-ah an lo nei tawh thung.
Evelyn-i hi pageantry-ah a mikhual tawh lo hle a, Zonet Cable TV buatsaih Miss Mizoram 2024 thlannaa Pahnihna niin, Miss Pachhunga University College 2019-ah 1st Runner Up lo ni tawh a, Miss Chapcharkut Runner Up pawh a lo ni tawh bawk.