Mizoram Synod hnuaia Missionary Training College (MTC) chuan Ningani khan B.Miss. zir zo mi 19 thlahna (Graduation Day) vawi 12-na an hmang.
Hmanpuitu Synod moderator Rev R Vanlalnghaka chuan MTC magazine a tlangzarh bakah Graduation Day thuchah a sawi a. Synod senior executive secretary Rev. C. Zorammawia’in zirchhuakte hnenah certificate a hlan. Executive secretary i/c Synod Mission Board Rev Dr K Lallawmzuala zirlai tithate hnenah lawmman chi hrang hrang a sem a ni.
Missionary Training College hi kum 1978 khan Missionary Training Department tiin Aizawl Theological College-ah bul tan a ni a. Kum 1996 atang khan Aizawl Theological College (ATC) Durtlanga sawn chhoh a nih hnuin Synod Multipurpose Training Centre (SMTC) nen a kalkawp a, chumi hnuah SMTC atanga lak hran niin, Missionary Training Centre tih a ni. Kum 2007 Synod chuan college-a hlankai a remti a, Synod thurel angin 2010 June 4 khan MTC hi a lo piang ta a ni. Senate of Serampore College hnuaiah chuan B.Miss zirna hmasa ber a ni a. MTC-ah hian B. Miss zirna bakah missionary training chi hrang hrang neihpui thin a ni bawk.
Missionary zirchhuak te thlah
