Grape-a antioxidant hian mit a veng nasa hle a, kum upat vanga mit chhia (age-related mascular degeneration, AMD) te pawh nasa takin a veng thei niin mithiam ten an sawi.
Mithiam te chuan chaichim-ah zirchianna an nei a. Chaichim te hi mihring ang bawka kut upa vanga mit chhia (retinal damage) nei ve thin an ni. Chaichim chu group thumah thenin, grape tamna chaw ei thin te, lutein tamna chaw ei thin te leh, chaw pangngai ei thinah te then an ni.
Zirchianna neitu te chuan grape tamna chaw ei nasaah chuan retina chhe tur a veng nasain, mitdel tur thlengin a veng niin an sawi a, chutih rualin lutein tamna chaw ei hoah pawh a tha zawnga a nghawng hmuh tur a awm a, mahse, grape erawh a pha lo.
Fordham University, New Yprk-a principal investigator Silvia Finnemann chuan, “Grape thatzia hi kan rin phak bak a ni a, kum upat hnua khaw hmuh fiah lo awm thei nasa takin a veng a, grape chu an upat tak tak hmaa an ei nasat rah pawh an upat hnuah a la lang tho a ni,” a ti.
He zirchianna hi Free Radical Biology and Medicine-ah tarlan a ni.
Mit tan grape
