Austraian rawlthar Charlie Eggins, kum 14, chuan mit tuam chungin 3x3x3 rotating puzzle cube chu second 12.10 chhungin a rem dik hman a, Guinness World Record a siam. Charlie hi Australian Nationals 2023-ah telin, hetah hian record hi a siam ta a ni.
3x3x3 rotating puzzle cube hi Rubik’s cube ang deuh tho, hmai ruk nei, her kual/ tuai vir theih, a hmai tina rawng in ang dah khawm tur a ni a, Charlie hian kumin January-a Tommy Cherry (USA) record siam, second 12.78 chu second 68-in a rawn khum ta a ni.
Charlie record siam hi he tournament second round-ah a ni a, second round-ah chance thum neiin, a chance hnih neihah a che fuh lo a, a vawi thumnaah record siamna khawpin a che Tha leh ta a, final a luh phah ta a ni. Final-ah pawh chak ber niin, a average-solve time chu second 17.47
Charlie chuan, “Khatiang kha ka beisei bik lo, world record ka siam chu ka hlimin nuam ka ti a ni tawp mai. Ka la awih theih bik chiah lo!” a ti.
Charlie hian speedcubing (cube rang taka rem dik theih) hi kum li vel kalta aTanga a tuipui Tan a ni a, 2020 aTang khan hmai tuam chunga speedcubing hi a tuipui leh ta a, “Mahse, hmai tuam chunga speedcubing hi chu 2022 aTang khan tih tak takin ka ti Tan chauh,” a ti. Mit tuam chunga cube a remdik hmasak ber chuan vawi 19 a tihnaah a hlawhtling thei chauh a, chumi Tum chuan minute 5 leh second 13 hun a hmang a ni.
Mahse, a thiam nal telh telh a, 2021 khan a vawi khat nan mit tuam chunga cube inremdik siakah relin, second 45-ah a zo thei a, finals-ah phei chuan cube a remdik thei ta lo. Mahse, hei kum hnih hnuah chuan world record a siam ta reng mai. Hetiang tur hian a inzir nasa hle niin a sawi a, “vawi 25,000 chuang ka practice ang,” a ti
Mit tuam chunga cube rem dik rang thei record siam
