Dr. Lalzuia Colney
Ph. 966233 4371
Tun tumah hian Mitdel dik tak chu tute nge ni tih kan sawi dawn a ni. Missionary Speaker pakhat Jaikara chuan, “Mitdel dik tak chu mahni inhmu thei lo hi an ni” (15.2.2014) a ti. Hei hi a dik hlein ka hria. Mahni dik lohna hmu thei si lova mi dik lohna hmu thei viau si hi mitdel dik tak a ni thei ta a ni. Bible-ah chuan, “Sawisel suh u, sawisela in awn loh nan, in sawisel ang bawkin an sawisel ang che u,” (Matt.7:1) ati a ni.
Mahni lam han sawi ila, kei chu Political Party-ah hian eng Party-ah mah ka tel ve ngai lo va, înthlan hunah pawh ram leh hnam hmangaihtu tak tak nia ka hriat hi ka vote mai a ni, tu fuihpawrh mah ka ni ve ngai lo. Dik tak chuan eng Party mah hi sawisel bo thei tumah an awn lo, mihring famkim lo vek kan ni a, sawisel bo tumah kan awm lo. Ruling Party tawh phawt chu Opposition Party hian sawiselna tur an zawng char char thin a ni ber. A sawiseltu chu Ruling Party han ni ve sela sawisel bo an ni ve chuang hauh lo. Mi dang famkim lohna leh dik lohna zawng hram hrantu chu, amah pawh kha famkim a ni thei bik lo va, mahni fel lohna hmu thei si lo va mi fel lohna hmu thei viau si hi Mitdel Dik tak chu a ni.
Insawisel chungchang hi han sawi leh ila, Constructive Critisism leh Destructive Critisism a awm a, Constructive Critisism chu mi an famkim lohna leh an tih dik loh palh hriattir hi a ni a, chu chu mi pangngai chuan a pawn a, a zawm thin. Constructive Critisism chu hmangaihtu leh duhsaktu a nih avangin a dawngtu pawhin a zawm thin. Destructive Critisism erawh chu mì chu chhia se, tluang lo se tih a duh vanga sawisel a ni ve thung. Chuvangin, insawiselna zang zawng hi a chhe vek tihna a ni lo va, hmangaih vanga kawng dik inkawhhmuhna Constructive Critisism a awm a, chu chu mi pangngai chuan a pawm a, a zawm thin. Chuvangin, thu dik leh tha rawntu thu chu miin a zawm chuan kawng dik a zawh thei thin a ni. Constructive thu hí chu huat vanga sawisel a ni lo va, duhsakna kawng kawhhmuhna a ni. Chumi awih duh lo chu mitdel dik tak a ni thei ve a ni.
Dik tak chuan eng Party pawh Ruling se, an hun laiah chuan eng kawng ber emaw tal chu Mizoram tana tha leh hmasawnna an siam thin. Tu Ruling mah sawiselbo an awm chuang lo. Chuvangin, Ruling Party dik lohna zawng zawng hi, sawiseltu chu Ruling han ni ve mah se, mi dik famkim a ni thei chuang hauh lo va, ama dik lohna leh fel lohna hmu thei lo va, mi fel lohna hau thei chauh chu mitdel dik tak chu a ni.
Mizoram chu Kristian ram kan ni a, keini ang hi India ram state dangah an awn ve lo. Chuvangin, Mizoram chu India ram State dang entawn tlakin Political Party te pawh an awm a pawimawh khawp mai. Midang Party sawisel fo chinte hi sim a tha, kan Bible chuan, “Sawisel suh u, sawisela in awm loh nan, in sawisel ang bawkin an sawisel ve ang che u”, tih hi kan hriat reng a tha. Mahni dik lohna hmu thei si lo va mi dik lohna hmu thei viau si chu, Midel dik tak dinhmun a ni tih i hria ang u.