Sidney de Carvalho Mesquita (Brazil), Tio Chico tia a hming hriat lar bawk hi Mitmu ti chhuak thui thei ber world record hauh mek tu a niin, Guinness World Records 2023-ah ber dinhmun hauhin a mitmu hi 18.2 mm laia thuiin a tichhuak thei a. He a record hi Sao Paulo, Brazil -ah January ni 10, 2022 khan finfiah a ni tawh bawk.
Tio chico tia hriat lar hian a talent hi kum 9 mi anih laia a haichhuah leh hriat ani tih thu sawiin ,a naupan lai chuan hmel maksak tak tak a darthlalang hmaa siam te chu nuam a tih zawng a ni a, heta tang hian a mitmu a ti chhuah thui theihna talent pawh hi a haichhuak nghe nghe a ni. He a talent hi a chhungte leh a thiante hmuh a an tihlan chuan an lawm hle nghe nghe niin an sawi.
Tio talent hi a nu leh pa tenan hriat tirh chuan natna a neih a lanchhuahna ah an ngaihsak thu sawiin medical test te neia an finfiah hnu chuan a thiamthil ve reng a ni tih an hmuhchhuak ta a ni.
Globe luxation hi medical term niin Mitmu nasa taka ti pawng chhuak thei te sawinan hman thin a ni a. Mitmu pawng chhuak thui zawng tehna hi proptometer tia vuah niin science thiamna hmanga teh thin a ni.
Vanneihthlak takin a hriselna in a tuar phah loh thu leh a ophthalmologist in a thiamthil special bik tak a nei tih a entirna ani tih thu an sawi mauh mai.
Tio chuan “Ka thiamthil te hi thilpek ka dawn special tak a ni a ka nu leh pate mai bakah Pathianin min pek liau liau a ni,” a ti a ni.
Sidney hian a mitmu ti pawng chhuak thui thei tur hian trainning hranpa a neih loh thu sawiin khawvel hriata pholan theih chu a duh ber a nih thu a sawi a ni.
Sidney chuan a mitmu a tih pawn chhuah thuina chuan amah a hlimna bik riau a thlen thin tih sawiin a taksa bung thenkhat te hloh tlata a inngaih thin thu a sawi a ni.
A mitmu a tih pawn chhuah lai hian rei lo te chhung chu a khaw hmuh a fiah lo thinin a mitmu hi seconds 20 atanga 30 chhung lai a ti chhuak thei bawk. Sidney a hian a mah angin mitmu ti pawng chhuak thei hi a la tawng lo niin a sawi a ni.
Mitmu tichhuak thui thei ber
