Mizo banelh chak 3 kutah medal
Mumbai khawpuia Asian Arm Wrestling International Cup khelh zawh takah India tan Mizo arm wrestler pathumin medal an hlawhchhuak a, an zinga pakhat Denic Lalruattluanga, ITI veng chuan 80 kg senior men right hand huangah gold medal a awrh nghe nghe.
Benjamin Lalawmpuia Ralte chuan 100 kg senior men right inelnaah silver medal awrhin, Melthum nula Vanramnghaki pawhin 80 kg senior women left and right huangah silver medal bawk a sualchhuak.
Medal pathum bakah hian para 80 kg women intihsiakah Vanramnghaki hian bronze medal a dawng bawk.
Asian International Cup-a Mizo banelh chakte hlawhtlinna hi Mizoram Arm Wrestling Association tan hlawhtlinna lian a ni.
Mizo banelh chak 3 kutah medal
