Mizo kristian film “Gabriel” tih chu zanin hian Vanapa Hall-ah tlangzarh a ni dawn ta, Vanapa Hall-ah hian a en duh tan ticket leiin a en nghal theih dawn a, online booking 8415967571-ah a tih theih bawk. ‘Gabriel’ film hi December ni 13 zan atangin Runmawi app-ah stream a ni dawn a, Rs 250 chawiin a en theih ang.
He film hi ‘Black Rose’ hlawhtling taka lo tichhuak tawh Danny Vanchhawng ziah leh direct niin, Mikey Chhangte chu asst, director a ni a, videography leh editing hi Moonshine Studio-in an khawih ve thung. A film-ah hian mihring nun chhungril, natna ruam atanga hmangaihna lantir a ni a, cancer natna mi pahnih hringnun a eiral dan vel tarlan a ni. He film-ah hian Ruthy Chenkual, Bena, Gosa, Vee Elly bakah Jothama ten role pawimawh an chang.
Film director Danny Vanchhawng chuan, “Mizote hian film hrang hrang kan siam tawh a, a tam ber hi chu action movie, nula leh tlangval inngaihzawnna lam hlir a ni a, family flim ang hi kan nei tam lo a, chuvang chuan he flim hi chhungkua pawh a en ho theih leh en tlak tura buatsaih a ni. He flim atan hian tha leh zung kan seng nasa hle a, Pathian tanpuina pawh kan dawng nasa. Zo hnahthlak mipuite tan ennawm chu kan buatsaih ve tawkin kan hria,” a ti.
Mizo film thar ‘Gabriel’ a en theih dawn ta
