Mizo Hit Chart June 2023-ah Youngfella x Smiley leh Hlimhlimi & Betsy an No.1
YouTube-a an music video-in thla khat chhunga entu a neih tam atanga teha chart ranking an siam thin, Mizo Hit Chart chu June thla atana ranking an puang leh ta a, gospel-ah Hlimhlimi & Betsy ‘Thisen Vangin’ a No.1 a, Lengzem lamah Youngfella x Smiley ‘Hmangaihna dik lo’ a No.1 ve thung.
Hlimhlimi & Betsy ‘Thisen Vangin’ tih music video hian thla khat chhungin vawi 2,47,301 en a hlawh hman a, hei hi chart-ah a No.1 pui ta a ni. He video hi March ni 8-ah YouTube-ah upload a ni a, thla khat chhungin Mizo gospel music video entu ngah ber niin chart-ah a No.1 ta a ni.
Lengzem lama No.1 Youngfella x Smiley ‘Hmangaihna dik lo’ hi March ni 6-a upload kha niin, June thla chhungin vawi 53,97,040 en a hlawh hman a chart-ah a No.1 leh ta a ni. Chart-ah hian Yongfella a langsar hle a, top 10-ah a hla pali a lang a, chart No.2, No.5 leh No.7-a a leng tel a ni. Gospel lamah pawh Hlimhlimi, Maruati, One in Christ leh Nancy Zothanmawii ten chart top 10-ah hla pahnih theuh an nei bawk a ni.
Mizo Hot Chart June 2023-ah hian gospel chart-a lang music video zinga thla khat chhunga vawi maktaduai en hlawh theih a awm loh laiin lengzem lamah chuan chart No.9 thlengin vawi maktaduai en hlawh thei vek a, gospel chart No.1 hian thlakhat chhunga entu ngah lamah lengzem No.10-ah pawh a pha lo.
Mizo Hit Chart June 2023- Lengzem:
1. Youngfella x Smiley – Hmangaihna dik lo (53,97,040)
2. Rebecca x Youngfella – Hriat ka duh (44,40,442)
3. Saiwana Sailo – Run nuam (33,70,217)
4. Ruatpuii – Hmangaihtu dik lo (26,44,816)
5. Youngfella x Zaii Hauchhum – Val Senior (25,50,842)
6. Fakriel Hrahsel – Super Heroes (18,78,968)
7. Youngfella, S.Dawg, Mic Khan – Wow Wow (13,84,229)
8. Rebecca Lallawmsangi – Ka rohlu ber (13,64,790)
9. JNY, Richie Fanai, Eddie Boy, Lesky Hype, Gutu Gee, Lil Kiki – I hma a ding (11,08,936)
10. Benjamin Sum – Len ka nuam (5,55,229)
Mizo Hit Chart Hune 2023 – Gospel
1. Hlimhlimi & Betsy – Thisen Vangin (2,47,301)
2. Jonathan Lianhna – Aw Isu (1,84,415)
3. Hlimhlimi – Vante Khian (1,54,009)
4. Maruati – Amen ka pe zel ang (1,19,831)
5. One in Christ – Misual Chhandamna (1,11,475)
6. Mizoram Synod Choir – Zaia faktu an haw hun chuan (1,06,411)
7. Nancy Zothanmawii – Ka fak a che (95,008)
8. Maruati – I lam kan lo hawi (88,731)
9. Nancy Zothanmawii – Hmana kan nunhlui (85,085)
10. One in Christ – Lal ropui ka nih chuan (78,541)