Mizo hminga hnamdang sumdawn tir mai duh kan awm chu pawi a tih thu Civil Supplies & Consumer Affairs minister K Lalrinliana chuan a sawi.
New Secretariat (MINECO) a Controller of Legal Metrology office building thar cheng nuai 125 senga sak chu Zirtawpni khan FCS &CA minister hian a hawng a. Mipuite dikna chanvo humhalh a pawimawh a, an dikna chanvo hrilhhriat kawngah pawh nasa lehzuala awareness pek a pawimawh, tiin, consumer-te hamthatna tur ngaituah rana bukna diklo hmang thinte chhui zel turin a chah. Mipui pawh rilru ngaituahna hman thiam a ngai tih sawiin, “Mizo hminga hnamdang sumdawng tir mai duhte kan awm thin hi a pawi a ni,” a ti. In sakna hmanrua leh bungrua quality tha leh tlo a pawimawh tih a sawi bawk.
FCS&CA hnuaia Weights & Measures ni thin tuna Legal Metrology ni ta chu sawrkar laipuiin a ngaipawimawh tih minister hian sawiin, thawktute pawhin mipui rawngbawltu an nih hrereng tur leh rinawm tak leh taima taka thawk turin a fuih a, an khawl leh hmanraw neih bakah an thiamna leh theihna chu nasa lehzuala hmang tangkai turin a chah.
FCS&CA (Legal Metrology) building thar hawn tak hi Ministry of Consumer Affairs scheme pakhat, “Strengthening Legal Metrology Infrastructure of States & UTs” hnuaia 100% central funding, cheng nuai 125 hmanga sak a ni a, implementating agency chu FCS&CA a ni.
Mizo hminga hnamdang sumdawn tir mai duh hi a pawi – FCS&CA minister
