Mizo infiamnaah Sangliana a lian

March ni 18 atanga ni 21 chhung khan Doordarshan Indigenous Games & Cultural Festival chu Doordarshan Kendra Aizawl leh Mizoram Indigenouse Association General Headquarters Aizawl te tang kawp buatsaih a ni a, Ramhlun Sport Complex-ah hlawhtlin takin inelna hi neih a ni. Infiammi 352 zet telnaah hian palian inelnaah Lalsangliana, Upper Republic a langsar hle.
Doordarshan Indigenouse Games & Cultural Festival 2026 ah hian Infiamna ch? hrang hrang pakua, Insuknawr, Inbuan, Insuknawr |angho, Invawr, Kawikah, Inarpasual, kalchhet kal tangho, insaihruipawh leh Kalchhet kal mimal te hmanga inelna neih a ni. Heng Infiamna chi hrang hrang te hi buk rih zawng hman ngai leh ngai lem lo chi hmang te a thliar hran ni in, kum bithliah erawh siam a ni rih lo.
Indigenous Games-a inelna ngaihhlu hlawh tak Palian inbuanah champion lai Lalsangliana, Upper Republic chuan final-a a khingpui Vaninmawia, Zemabawk a hneh hram a, Mizo palian inbuanah a champion nawn leh. Lalsangliana leh Vaninmawia te hi an inhnehtawk hle. Thawh nga an inbeih chhungin Sangliana-’n point hnih a hmu a, Vaninmawia’n point khat a hmu ve bawk. Palian inbuanah hian Lalmalsawma Sailo, Kawlkulh leh PB Lalnienga, Mission Vengthlang ten lawmman pathumna an la ve bawk.
Mizo palian inchai leh inbuana champion kawp mek Lalsangliana hian a duh apiang tel theihna Insaihruipawh-ah lawmmawn pakhatna a dawng bawk. Insaihruipawhah hian Lalsangliana hi champion lai a ni nghe nghe a. Champion nawn leh turin harsatna a tawk lo a tih theih.
Sangliana hian final-a a khingpui Lalmuanpuia Khuangpuilam chuan thawh khatnaah a pawt kal nghal ruak ruak a, thawhkhatnaah chungnung zawk a ni. Thawhkhatnaah hnufual zawk ni bawk mah se thawh hnihna atanga thawh lina thlengin Sangliana a chungnung zui ta thung a, phu taka hnehna changin a champion nawn leh. Insaihrui pawhah hian Vanlalhriatkima, Chaltlang leh Lalthlamuana, Zemabawk te pathumna an ni.
Mizo infiamna ngaihhluthlawh Palian inbuan leh Insaihruipawh mimal-a a champion bakah Lalsangliana hian Kalchhet |angho-ah lawmman pakhatna a la tel bawk a. Mizo infiamna hrang hrangah Sangliana a sanglian hle a ni.
Doordarshan Indigenouse Games & Cultural Festival 2026-ah hian Pate huanga Insuknawrah Lalthapuia, Zemabawk chuan final-a a khingpui Roland Lalnunsanga, Sihfa hnehin a champion a. Pate huangah hian Lalchhuankima, Tuirial leh Samuel Laldinpuia, Zemabawk te pathumna an ni.
Palaihawl huanga insuknawrah John Vanlalrema, Tuirial a champion a. T Lalsangaliana, Sesawn chu pahnihna niin Isaac Vanlalpekhlua, Kawnmawi leh Lalropuina, Khuangpuilam te pathumna a bawk.
Insuknawra palian huangah Vaninmawia, Zemabawk chuan final-a a khingpui Lalhriatrenga Kelsih hnehin a champion nawn leh a. Palian huanga insuknawrah hian Junior Ramluahpuia, Zemabawk leh Lalropuia Khuangpuilam te pathumna an ni.
|angho insuknawra Pate huanga Zemabawk in pakhatna leh pahnihna lawmman an la a. Palaihawl huangah Chaltlang an champion laiin Paliang huangah Zemabawk in final-a an khingpui Mission Vengthlang Sporting club hnehin an champion ve thung.
Inelna ngaihhluthlawh zinga mi inbuan pate huangah Melvin Zothankima, Mission Vengthlan a champion a. Zoremsanga, Venghlui chu pahnihna niin, Vanlalhriatkima, Chaltlang leh Lalthlamuana, Zemabawk te pathumna an ni.
Palaihawl inbuanah C Lalrinzuala, Kanan a chuan Kanan veng tho Samuel ZD Lalhriatrenga, Kan a hneh a. Palaihawl huangah hian Remruatkima, Kanan chu pathumna a ni bawk.
Doordarshan Indigenouse Games & Cultural Festival 2026 a tangho intihsiakna dang; Invawrah Tuivamit an champion a, Nazareth 2 te pahnihna niin Senhri, Chhinga Veng chu pathumna an ni.
Kawikahah mimal intihsiaknaah Lalramtluangi, Chhinga Veng chu kap thiam ber a ni a. Lalnunmawii, Chhinga Veng chu pahnihna niin Lalhmangaihsangi, Chaltlang chu pathumna a ni ve bawk.
Doordarshan Aizawl leh MIGA tangdun te hian Mizo Infiamna te tihmasawn tur leh chawisang turin vawi eng emaw Mizo Infiamna kut an lo buatsaih tawh thin a ni. Kum 2015 khan Bawngkawn Brigade Field ah ropul takin an lo buatsaih tawh a, chumi hnu kum 2024-2025 khan Mizoram District hrang hrang 11 ah te championship buatsaih in chumi hnuah District Champion theuh te chu District alawh in Aizawl ah Grand Finale Championship neih leh a ni a. Kum 2026 ah inelna hlawhtling takin neih leh a ni a, March ni 21, Inrinni khan 2026-a inelna hi khar a ni.
Doordarshan Indigenouse Games & Cultural Festival 2026-ah hian hmeichhia 126 in inelna an hmachhawn a, mipa 226 ten inelna hmachhawn bawkin, lawmman Rs, 5,52,000 zet semchhuah a ni.