BCCI U-23 Women’s One Day Trophy Plate Group match linana chu March 9, Thawhtanni khan khelh a ni a, Mizonulate chuan an khingpui Arunachal Pradesh chu Wicket 6 in an hneh a, an match hnuhnung pahnihah hnehna an chang zawn.
Chandigarh-a inkhelah hian Mizoram toss-ah chakin vawm hmasak an thlang a. Mizoram hian over 45.5 chhungin an khingpuite an vawm out vek a, run 153 chiah an siamtir. Mizoram tan hian ZD Lalnunrili’n Wicket 5 a la a, Thelma Laldinthari leh Sandhia Rai te’n wicket hnih ve ve an la bawk.
Mizoram vuak hun a thleng a, harsa lo takin an target an khum. Mizoram hian over 34.2 chhungin an target an umphah hman a, Malsawmtluangi’n run 58 vaw chhuakin, Jacinta Laltanpuii’n run 41 a siam a. Lallawmawmi’n run 16 a siam a, Lalhmangaihsangi’n out lovin run 12 a siam bakah a, Saihmingliani Sailo-in run 11 a siam bawk.
Mizoram hian Match 4 khel tawh in vawi hnih an chak laiin, vawi hnih an chak loh thung a. March 11, Nilaini hian an Group Match hnuhnung berah Meghalaya an hmachhawn zui leh dawn a ni.
Mizo nula te an chak zawn
