BCCI hnuaia Senior Women’s T20 Trophy 2025 Plate Group Match hnuhnung ber chu vawiin ni 15 October, 2025 khan khelh niin Mizoram chuan Meghalaya chu run 12-in a hneh. Meghlaya hnehtu Mizoram hian uiawm takin final an lut zo lo.
He Match hi Police Training Ground, Agartala-a khelh niin Mizoram toss-a chakin vuak hmasak an thlang a, Over 19.5-ah out vekin run 74 an siam. Mizoram tan Palak Patel (Outstation) chuan run 18 a siam a, Lalrinfeli Pautu chuan run 15 a siam bawk
2nd Innings-ah Meghalaya lamin over 19.1 ah out vekin run 62 an siam a, Mizoram-in run 12-in hnehna an chang a ni. Player of the Match ah Sandhia Rai, Bualpui chu thlan a ni.
Ti hian Plate Group Match chu khelh zawh niin Mizoram hi Table-ah pathumnaah awmin pahnihna Nagaland chu Point inangah NRR-ah an phak loh avangin Final an lut zo ta lo a, uiawm takin an tla zui ta a ni.
Mizo nula ten final lut zo lo
