Mizo Padma awardee 8 chawimawi
Social Welfare, Tribal Affairs leh Women & Child Development department chuan sawrkar laipui scheme thar – Prime Minister Dharti Aaba Janjatiya Gram Utkarsh Abhiyan (DAJGUA) thehlarna leh India danpui pian champha vawi 75-na lawmna chu Thawhlehni khan State Tribal Resource & Training Centre (TRI) Kelsihah neih a ni a. Mizo zinga Padma awardee 8 chawimawi an ni.
Hmanpuitu minister Lalthansanga chuan Padma Shri awardee-te chu India ram pum ang leh khawvel pum ang pawha min chawisanga Mizote hnam anga min pholangtu an ni, tiin, mahni kawng zawh theuhah mi bik ni tura an inpekna leh an kawng zawh chu ropui a tih thu a sawi. Thangtharte tana entawn tlak sulhnu tam tak hnutchhiah turin duhsakna a hlan bawk.
Mizote zinga Padma Shri award dawng tawh, tribal achiever-te hnena chawimawina thilpek hlan a ni a. Dr C Lalhmingliana (2003, Social Work), Dr Laltluangliana Khiangte (2006, Literature & Education), Lalthangfala Sailo (2009, Literature & Education), RL Thanmawia (2012, Literature & Education), C Kamlova (2020, Literature & Education), Lalbiakthanga Pachuau, (2020, Literature & Education), B Sangkhumi (2021, Social Work) leh KC Runremsangi (2023, Art) an ni.
Mizo Padma awardee 8 chawimawi
