Assam Rifles-a colonel, Dr Mary Hranngul chu August 29 zing dar 2.00 vel khan cancer leh kal tha lo vangin a thi.
Thudawn danin, Colonel Mary Hranngul (55) d/o Rev. Challienkung Hranngul hi St Mary’s College Shillong leh Gauhati Medical College & Hospital atanga zirchhuak a ni a, Assam Rifles-in Army Medical Corps atangin ni loa anmahni puala medical doctor an neih hmasak ber nia sawi a ni.
2023 January khan Assam Rifles-ah commissioned niin, Mizoramah captain a nih laiin an battallion assistant commandant-in a awm tawh a, Manipur bakah Assam leh Nagaland-ah a awm tawh bawk. Manipur-a hel beihna lama a thawhhlawknaah sipai chawimawina – Police Gallantry Medal danwgin, kum 2012 khan hetih laia India President Pratibha Patil chuan a hlan a ni. Sipai medical officer zinga he award dawng thei hmasa ber a ni.
Tunah hian Guwahati-a Assam Rifles hmunah a awm mek a, colonel niin, commandant rank a ni. Thalbe cancer a nei tih hriatchhuah a ni a, kal (kidney) natna nei bawkin, tunhnaiah B. Borooah Cancer Hospital, Guwahti panpui a ni a. Zan khat an riah hnu ah Hayat Hospital Guwahati-a refer a ni a, thawk lama harsatna nei thutin Ningani zing khan a thi a. A ruang hi an inpui, Shillong-a lak niin, vawiin – August 30 hian vui a ni ang.
Mizo sipai officer thi
