Sawrkar laipui Ministry of Finance-a Department of Revenue hnuaia awm Income Tax office hotute hnenah sumdawng pawl inzawmkhawm hruaitute chu kalin, income tax thin an nih ve thin thu leh a chhan an zawt a. Thing tawh lo turin an ngen nghal.
Mizo Merchant Association (MIMA) hruaitute hian Nilaini khan Aizawla Income Tax officer Remthanga chu a office-ah hmu in, Mizo sumdawngte leh mipui tam takin income tax office hmun hrang hrang atanga lehkha dawngin, insawifiah tur leh chhiah chawi tura thinna an hmu fo tih an sawi a. Mizorama cheng tribal-te income tax chawi lo tur kan nih thu hrilh nawnin, tibuai lui zel lo turin an ngen.
Income Tax office atanga lehkha hmu tawhte hian engti angin nge hma an lak zel ang tih leh, lehkha an hmuh hian engti anga lo tih tur nge, tihte, Income Tax office atanga lehkha hmuh fo loh dan turte sawi hoin, income tax chungchanga sumdawngte hriat tur tul zirtir tura seminar neih thuai a tul thu pawh sawi a ni.
Income Tax office khawi hmun atanga pawha lehkha hmu, tih ngaihna hre lo an awm a nih chuan Income Tax office Bawngkawn Aizawlah kalpui a, zawtfiah thin turin Remthanga hian thu a lo rawn a ni.
Mizo sumdawngte income tax thin ve thin chhan zawt
