Mizo UG topper lawmpui
Mizo Students’ Union chuan kumina Mizoram University hnuaia under graduate exam-a topper zinga Mizo awmte chu Nilaini khan Aizawlah lawmpuina an hlan.
Hmanpuitu minister Lalthansanga chuan, tunlai khawvelah ram changkang zawkte tihdan entawn a awlsam tawh rualin, mahni hnam nunphung kalsan lo turin zirlaite a fuih. Hlawhtling tur chuan teirei peih a pawimawh, tiin, a political career-ah minister dinhmun thleng tur hian kum 1993 atangin a bei tawh a, teireina chuan a tawpah hlawhtlinna a chantir thin tih a sawi a ni.
Lawmpuina hi Mizoram Cooperative Apex Bank chairman Lalnunsanga pawhin a hmanpui a ni.
MSU Gen. Hqrs-in Mizo topper a lawmpui hi mi 24 an ni a, sumfai leh citation a hlan vek a ni.
Mizo UG topper lawmpui
