Food4Thought Foundation leh Monocept buatsaih ram pum huap school naupangte puala Reading Decathlon Quiz competition a buatsaih, final round-ah Mizoram atanga tel Mount Carmel School Chaltlang leh La Montessori School Mission Veng chu ram pum huapah pahnihna leh pathumna an ni.
Reading Decathlon Quiz final hi kumin January 16 khan neih a ni a, India ram then hrang hrang regional round atanga tling school 10 an inel. Mizoram atang hian North East region aiawhtu Mount Carmel School zirlai – Rebek Malsawmzuali leh Krista Roluahpuia Khiangte bakah La Montessori School atangin Malsawmhlui Pachuau leh Joshua Lalawmpuia te chu an tel a ni. Final neihna tur Hyderabad-a kal tum hi an ni a, thlawhna lamah harsatna a awm avangin, anmahni buaipuitu Mizoram Youth Commission chuan online-a final hmachhawn an dilsak a, an remtih angin MYC office atangin national round hi online hmangin an hmachhawn a ni.
First round hi 2025 August 22h khan online mode-in MYC Conference Room-a buatsaih a ni a. Hetah hian school pali an tel a, Mount Carmel School leh La Montessori zirlaite hi 2025 November 29-a Madhya Pradesh-a neih regional round hmachhawn turin an tling a, regional round pawh hi an paltlang zui a ni.
Mizo zirlaite an chetha
