Mizoram CEO ruat thar
ECI hotu in rawn tlawh
Election Commission of India chuan chief electoral officer atan Dr Lalrozama, IAS a ruat thar. Hetihlai hian ECI principal secretary NT Bhutia chuan ni hnih cham turin Zirtawpni khan Mizoram a lo thleng ve bawk.
Election Commission of India (ECI) hian Zirtawpni khan hriattirna tichhuakin Mizoram sawrkar nena inrawn chungin Dr Lalrozama, IAS (AGMUT:2009) chu chief electoral officer atan ruat a ni tih a puang.
Mizoram tlawha lokal ECI principal secretary hi Zirtawpni khan State Election department hotute nen an thukhawm a. Department tihhmasawn leh tihchangtlung a nih theihnana mamawh sawihoin, inthlan kaihhnawiha a ruahmanna ECI duh dan anga felfai taka kalpui a nih theih dan tur sawi a ni bawk.
Joint chief electoral officer, tuna chief electoral officer Mizoram charge la mektu Ethel Rothangpuii bakah Election department-a officer-te an tel a ni.
Thutkhawm zawh hian ECI hotu hian 17-Aizawl West-III leh 18-Aizawl South-I Assembly constituency huamchhunga polling station thenkhat a tlawh. Zirtawpni tlai khan Thenzawl a pan a, vawiin – Inrinni hian 26-Serchhip Assembly constituency huamchhunga polling station thenkhat a tlawh anga, Pathianni hian New Delhi a pan ang.
Mizoram CEO ruat thar ECI hotu in rawn tlawh
