India rama BCCI tournament ngaihhlut hlawh leh dah san mipa senior team te inelna Ranji Trophy ah Mizoram chuan Arunachal Pradesh chu run 267 ngawtin an sawp.
Ranji hi nikhata aia rei khelh ngai (multi days match) a ni a, tuna match an khelhna hmun hi Ahmedabad, Gujarat a ni.
Mizoram Team te hi toss ah chakin vuak hmasak an thlanga, thawhkhatna (1st innings) ah run 247 an siama, 1st innings ah hian Mizoram guest player Agni Chopra chuan century (110 runs) siamin, local player leh CAM Mens cricketer of the year nilai Vikash Kumar, Electrict Veng in half century (53 runs) a siam bawk. Arunachal lamin thawhkhatna (1st innings) ah run 252 an siam thung.
He innings ah hian bowling lamah Joseph Lalthankhuma chu che tha berin wicket 4 a la a ni.
Mizoram Team te hi thawhhnihna (2nd innings) ah an che tha hle a, run 404 an siamah wicket 2 chauh an hloha, 2nd innings hi duhtawk/declare a ni a. Arunachal tan target sang tak run 399 siam tur an tuksak.
A tawhhnihna (2nd innings) ah hian Joseph Lalthankhuma, Ramhlun Venglai chuan century (128 runs) a siam a, Joseph-a bakah hian Mizoram guest player chhuanvawr Agni Chopra chu a che tha leh hle a, double century (238 runs) siamin, an pahnih hian a tawp thlenga damin Joseph-a leh Chopra te pahnih run siam dun (partnership) hi run 384 niin, Mizoram partnership run record a ni bawk.
2nd innings ah hian bowling lamah captain Bobby Zothansanga, Chaltlang leh guest player tho KC Cariappa te’n wicket 4 ve ve an la a ni.
He match ah hian ‘Man of the match’ ah innings hniha century vawihnih siamtu Mizoram guest player Agni Chopra chu thlan a ni.
Mizoram Team te hian match hnih khel tawhin, vawikhat chak loh leh vawikhat chak an nei a, an match thumna hi tunkar Inrinni October ni 26 hian Manipur nen an khel leh dawn a ni
Mizoram in Arunachal an sawp
