Kum 2011 atanga 2014 chhunga Mizoram larsap Vakkom B Purushothaman chu nimin, July 31 khan kum 95 mi niin, an khua – Kumarapuram, Alappuzha district, Kerala-a an chenna inah a thi.
Mizoram larsap hlui hi Congress hruaitu hlun a ni a, Kerela-ah chief minister pathum hnuaiah minister a ni hman a, an state Assembly speaker a nih tawh bakah Andaman and Nicobar Island lt. governor a ni tawh bawk.
Kum 2011 khan Mizoram larsap 18-na ni turin MM Lakhera a rawn thlak a ni.
Mizoram larsap Dr Hari Babu Kambhampati chuan larsap hlui chanchin a hriat veleh a ui thu sawiin a kalsan tak a chhungte a tawrhpui thu a sawi a ni.
Chief minister Zoramthanga pawhin a social media account kaltlangin Vakkom B Purushothaman a ui thu leh a chhungte a tawrhpui thu a tichhuak a ni.
2012 April 23 khan larsap Vakkom B Purushothaman chuan Aizawlah DAVP bultuma neih Bharat Nirman Flagship Programme Photo Exhibition a hawng