Ni 4 awh tur 38th Mizoram State Table Tennis Championships 2023-24 chu Thawhlehni khan Mizoram Table Tennis Hall, Kawltheihuan, Mission Vengah Lalramsanga Sailo, IRS, Secretary, Sports & Youth Services Department chuan a hawng.
Ramsanga hian Aizawl pawn district hrang hrang aiawha chhuak player thahnem tak an awm chu lawmawm a tih thu a sawi a, India sawrkarin Olympic Vision 2036 a buaipui mekah hlawkna an tel ve ngei theihna’n theihpatawp chhuah zel turin infiammi kalkhawmte a fuih.
He championship hi Mizoram Table Tennis Association kum chhiar dana kum tawp Season Closing Championship ni nghalin, kum khat chhunga inelna a buatsaih thin zinga ngaihhlut hlawh ber niin, ranking point tam berna a ni nghe nghe bawk.
District hrang hrang atanga club 20 zetin inelna huang 16-ah intihsiak an hmachhawn mek a ni.
Mizoram State Table Tennis Championship
