Mizoram Super League X
Champhai BC tho leh…
Shara University MSL X khelh chhunzawm zel a ni a, March ni 26 zan khan Khatla TBL leh Chanmari BC chuan an khingpuite an hneh ve ve.
Khatla TBL Vs Chanmari BC
Khatla TBL in Chanmari BC 105 – 79 in an hneh. He inkhel hi a tawpa point score atanga teh aiin a taka inkhel entu tan chuan inkhel inbeitawk tak a nih zia kan hmu tlang ang.
Team that dan bera inchingfel hlei thei lo Chanmari BC hian an player tha rual siksawi fuh ngat se, a tawp inkhel result hi a dang ang.
3 points a zawna tum 4 zet score-tu Samson-a (15 pts) kut hmui (hot hands) zan hian 3rd qtr chho atangin Chanmari BC khel a buai a, a insiamthat fel hmain hun a tawp!
Khatla TBL lamah hian Dennis-a (Dedea) hi player of the match nih phu khawpin a khel tha a, Chanmari game chhu chhetu a ni.
Inkhel boruak tang tak karah player tha a nihzia pholangtu Emnanuel-a (22 pts) pawh hi MVP nih phu khawpin a khel tha chhunzawm zel bawk. Khatla TBL hian match 5 an khel ta a, hnehna an la chang vek.
Champhai BC vs Saron BC
Match hnuhnung zawkah hian Champhai BC hian Saron BC lakah 78-76-in hnehna an chang, an vanneih tel vang a ni bawk.
A player-te quality ngaihtuaha game hmuhnawm lan tir thintu Saron BC Coach Lana’n thutlukna danglam leh dangdai tak siamin Elomni aiah A. Tyagi first 5-ah a rawn dahlut a, a Mizo player rual khel chhe hran lo mah se uiawm takin Champhai BC an hneh lo!
Champhai BC tan Ropuia (24 pts) a khel tha fal hle a; tarlan hmaih thiang lo Lalsangliana (6 pts) a tangkai tluan parh. Champhai BC coach Mapuia Zote a hahdam sawt ngei ang.
Hoops Mania Time Out
Duhsak taka tualchhung Mizo baller-te tana man tlawm zawka inkhelh thawmhnaw leh basketball thuam lei tur chhawpchhuak thintu, Samoo Dawr, (Hauva Building, Dawrpui) chuan basketball socks, basketball shorts, basketball sleeves, NBA Jersey leh NBA hoodie-te duhthlan tur an kawl leh ta, anni hian tualchhung basketball than zelna turah sum leh tha nasa takin an lo thawh tawh thin a, The Aizawl Po st Hoops Mania chuan Mizo thalaite hmakhua ngaitu Samoo dawr hi chhuang takin pantu tam zawk an neihna’n Time Out kan rawn lakpui e.
Mizoram Super League X Champhai BC tho leh…
