May 2-5 chhung khan Presbyterian Church of India (PCI) Bienniel General Assembly vawi 45-na chu Chaltlang Presbyterian Kohhran biak inah neih a ni a, thupuiah ‘Thy Kingdom Come’ tih hman a ni.
May 2 (Ningani) chawhma dar 9 atanga chawhnu 1 chhungin Executive Committee an thu a; chawhnu dar 2-ah Nomination Committee an thu. Zanah General Assembly hawnna inkhawm neih a ni. May 3&4 nilengin rorel inkhawm neih a ni a, zanah vantlang Pathian biak inkhawm neih niin, Inrinni zanah thlarau lam thupui Rev. Rolianthanga Lalsim chuan a sawi.
May 5 (Pathianni) zing dar 7-8-ah Lalpa Zanriah Sakramen kilho a ni a; chawhma, chawhnu leh zanah vantlang Pathian biak inkhawm a awm. Zanah moderator kal chhuakin Pathian thuchah a sawi a ni.
PCI General Assembly 2022 report-in a tarlan danin Presbyterian Church of India (PCI) hnuaiah hian Synod 10 leh Provisional Synod pahnih an awm a. Meitei Singlup Presbyterian Church Synod chuan an ram buai avangin inhnukdawh an dil a, an dil ang hian General Assembly chuan tunah rih chuan inhnuhdawh hi a remtih pui a ni.
PCI General Assembly palaite hi Pathianni chawhma inkhawmah Aizawla PCI hnuaia tualchhung kohhran thenkhat inkhawm chhimin hun an hmang a ni.
Mizoram Synod-in PCI Assembly thleng
