President of India Droupadi Murmu chuan Aizawl leh a chhehvela ruahsur leh thli thawkin in a tihchhiat avanga nunna chan an awm thu a hriatin pawi a ti a; an chhungte a tawrhpui tih sawiin, chhanchhuah leh chhawmdawl hna thawktuten tluang taka an thawh theih nan leh hliam tuarte tha taka an dam thuai theih nan a tawngtainaah a hrereng tih a sawi a ni.
Congress hruaitu Rahul Gandhi pawhin he chhiatna thleng leh nunna hial chan an awm tih a hriat chuan a rilru a ti na in, chhiat tawk chhungte a hrereng a, an tan thlamuanna leh chakna a dil sak tih a sawi. Mizorama Congress party hruaitu leh party mite chu theih ang anga chhiat tawkte puih leh chhawmdawl hna thawk turin a chah bawk.
Manipur-a Zohnathlakte intelkhawmna Zo United pawhin tawrhpuina thu an sawi a. ‘Mizoram, Zofate Inpuiah Remal Cyclone avanga khuarel chhiatna nasa tak thlengah nunna chante pawi kan tiin kan sun a. Leiminin chenna in leh thlanmual a hnawlte leh lawng a tih pilte pawi kan tiin, tuartute kan tawrhpui takmeuh a ni,’ a ti. May 28 khan Zo United hruaitute chuan tuarpuina le sunna hunserh hmangin tawngtaina hun an hmang tih an sawi a. ‘Mizoram leh Mizo mipui tan Lalpa hnenah kan lo tawngtai e,’ a ti.
Mizoram tawrhpuina thu thawn
