Mizoram Team fehchhhuak
Khello Tribal Games hmasa ber hmachhawn turin Mizoram aiawh hrang hrangte an fehchhuak mek a. Wrestling team te chuan vawiin hian inelna an neihna hmun tur Sarguja district khawpui Ambikapur an thleng.
Wrestling a Mizoram aiawh turte hi Lalvenhimi, Bethlehem, Elizabeth Rohlupuii, Melriat / Bawngkawn West, Lalhmangaihsangi, Dilkhan, Jacob Vanlalrinliana, Venghlui te an kal a. Wrestling team hi C Lalhmunfela, NIS Coach, H Lalhmingmawii, NIS coach leh Hmangaihhlima, Jt Secretary, MWA – Manager ten an hruai.
Wrestling inelna bik hi Marxch ni 28 – 31, 2026 chhungin Ambikapur a Gandhi Stadium ah neih a ni dawn a. Inelna neih a nih hmain WFI buatsaih Referee clinic neih a ni dawn bawk.
Inelna hmachhawn tura Mizoram Wrestling Association (MWA) in an tirhte hi Mizorama Wrestler tha ber berte an ni a. Lalvenhimi hi Mizo inchai Nute champion lai a ni a. Elizabeth Rohlupuii hi Mizo inchai nulaihawl champion lai a nih bakah Lalhmangaihsangi hi Mizo inchai nulian champion lai a ni bawk. An zinga mipa awmchhun Jacob Vanlalrinliana hi wrestler kum lama la naupang tak a ni a, hmabak a nei eng viau bawk. Wrestling ah Mizoram aiawh turte hian February thla khan New Delhi a India ram pum huap trial an lo paltlang tawh a, India rama tha zual pariatte inelna tur a ni.
1st Khello Tribal Games hi Chhatishgarh State in a thleng a, an khawpui lian zual pathumah nghah a ni. Inelnaa tel turten trial an paltlang vek a. Mizoram atangin Football (mipa) Hockey (hmeichhia), Weightlifting leh Wrestling inelna hmachhawn a ni.
Mizoram Team fehchhhuak
