Border Security Force 184 battalion chuan an battalion kum 5 tlin champha lawmna hman pahin Inrinni khan Tlabungah thing tiak an phun.
BSF 184 Bn commandant Ahsan Shahedi chuan an battalion-in kum 5 hmel a hmu chu an vaia inpekna leh inpumkhatna rah a ni, tiin, an engkim hlana ram leh mipui himna atan a tawp thlenga inpe an ni tih inhre nawn turin a chah.
BSF 184 Bn hi 2018 July 16-a din a ni a. Ramchhung hmun hrang hrangah ramri vengin an lo awm tawh thin. Inthlan kaihhnawiha an duty-naah leh tuilen laia chhawmdawl hna an thawh kawnga an chet that avangin chawimawina tum engemawzat an lo dawng tawh a, Mizoram bikah chuan 2022 November 1 khan ramri venghim turin an awm tan. An din champha vawi 5-na lawmna hi BSF 20 Bn commandant Neeraj Sharma pawhin a hmanpui a ni.
Mizorama awm 184 BSF-in an din champha an lawm
