Special Intensive Revision of Electoral Rolls 2026 chu May 30 atang khan Mizoram district tinah kalpui tan a ni.
Chief electoral officer Mizoram chuan, district hrang hranga booth level officer (BLO) ten anmahni huamchhung theuhah in tin an tlawhchhuak (house -to- house visit) dawn a, June 28 thleng neih tur a ni.
BLO-ten house -to- house tlawhchhuah an neih chhung hian in tina voter tuna electoral roll-a chuang mek, electoral roll siam thar tura thun dilna – enumeration form chu voter zawng zawng tan copy hnih theuh sem a ni anga, copy khat la letin copy khat dang zawk hi voter-ten an kawl dawn a ni. BLO-te hian a tul angin voter-te enumeration form an dah khahpui anga, enumeration form dahkhah sa chu BLO-te hian an la khawm leh dawn a. Enumeration form an lakkhawm saa voter-te detail chu BLO app hmangin online-ah an thun leh dawn tih a sawi a ni.
Tun dinhmunah Mizoramah voter 875068, mipa 423397 leh hmeichhia 451671 an awm a ni.
Mizoramah SIR kalpui tan
