Union Minister of State for Communication Devusinh Chauhan chuan February 17-20 chhung hian Mizoram a rawn tlawh dawn a. A cham chhungin Mizoram sawrkar official pawimawhte, tlawmngai pawl aiawhte, mipui vantlangte pawh a theih ang angin a kawm dawn a, Mizoram leh hmarchhaka central scheme hmalakna chi hrang hrang kalpui dante hrechiang tur leh hmasawnna thar duan zel theih dan tur a rawn en dawn a ni.
Ruahman lawk ang chuan February 17 hian Lengpui Airport atangin helicopter-in Serchhip a pan nghal anga, district thuneitute, NGO leh kohhran hruaitute bakah MJA-te a kawm anga, sawrkar hmunhma thenkhat a tlawh ang. February 18-ah Aizawlah state sawrkar official-te a kawm anga, zanah ICT minister Robert Romawia Royte chuan zanriah a buatsaih sak ang.
February 19 ah a department chan bik hotute nen an inkawm anga, February 20-ah Delhi pana a haw hma in chief minister nen an inkawm ang.
Mizoramah Union minister
![](https://theaizawlpost.org/wp-content/uploads/tap_logo-min-large.jpg)