Mizoramah voter 856297
Mipa tam zawkna Mamit
Lok Sabha MP inthlana hman tur, final electoral roll 2024 chu Ningani khan district tinah tarchhuah a ni a. Mizoramah vote nei 856297 awmin, heng zinga 441520 chu hmeichhia an ni. Mamit district ah chiah hmeichhia aiin mipa voter an tam zawk.
Mizorama district 11 awmah Aizawl leh Lunglei district chu voter nuai chuang awmna an ni a, Aizawl district ah 288268 awmin, Lunglei district ah 100770 an awm. Voter tlemna ber chu Hnahthial district a ni a, 16257 an awm a ni.
Voter 856297 bakah hian service voter 4980 an awm mek a, mipa 4890 leh hmeichhia 90 an ni. Tunah hian Mizoram pumah polling station 1276 a awm mek bawk.
India khua leh tui dik tak, Special Summary Revision 2024-a kum 18 tling tawh, rokhawlhna avanga electoral roll-a inziaklut ve hman lo leh, 2024 April 1-a kum 18 tling hman tur tan continuous revision kalpui chhunzawm tur a ni a. Electoral roll-a inziahluh dilna, form-6 hmangin mahni bialtu ERO/ AERO/ BLO hnena thehluh theih a ni.
Aizawlah chuan district election officer, bawrhsap Nazuk Kumar chuan final electoral roll hi a tlangzarh a. Final roll hi Election Commission of India thuchhuak anga Mizoram puma Photo Electoral Rolls Special Summary Revision 2024 neih a nih hnua tlangzarh a ni.
Aizawl district-ah assembly constituency 12 awmah voter 288268 awmin, mipa 134820 leh hmeichhia 153448 an ni. Draft electoral roll atanga final electoral roll-a voter punna chu 1455 (0.51%) a ni. Aizawl West-I (ST) AC ah voter punna percentage chu 0.97% niin a sang ber a, Aizawl South-I (ST) AC ah voter zat hi -0.05% in an tlem thung. Service voter 1735 an awm bawk.
Aizawl district-a boter tlemna ber polling station chu 7/26- Chhanchhuahna PS niin, voter 85 an awm a. Voter tamna ber chu 13/24-Zemabawk-VIII PS niin voter 1483 an awm.
District Voter zat Total
Mipa Hmeichhia
Mamit 32842 32259 65101
Kolasib 30738 33064 63803
Aizawl 134820 153448 288268
Champhai 28018 29436 57454
Serchhip 26242 27919 54161
Lunglei 49925 50845 100770
Lawngtlai 46132 46277 92409
Siaha 21706 23005 44711
Saitual 27592 28197 55789
Khawzawl 8740 8835 17575
Hnahthial 8022 8235 16257
Total 414777 441520 856297