Mizo hmeichhe zingah MLA kan nei lo chu rualawhthlak a tih thu MHIP president Ngurmawii Sailo chuan a sawi.
Nilaini khan Thingsaiah MHIP Tuiphai Block Conference neih a ni a. He hun hmanpuitu MHIP Gen. Hqrs. president hian tunah MLA hmeichhia kan nei lo chu rualawh thlak a tih thu a sawi a. Lunglei Municipal Council inthlan turah pawh party tinin hmeichhe candidate an van riau nia sawi chu pawi a tih thu a sawi.
“Hmeichhiate hamthatna, women empowerment lam chauh ngaihtuah ngawr ngawr loin, dikna leh rinawmna nen, mimal leh khawtlang nun siamthain, Zofate hmasawnna’n ke pen zelin, Zoram nuam leh changkang siam turin hmeichhiate lo chhuak zel ang u,” a ti.
Nuten naupangte enkawl turin an psychology atanga kan zir a pawimawh tih Ngurmawii Sailo hian a sawi a. Hmeichhiate zingah zirna leh thiamna kawngah mipate tluk loh tam tak an awm ta chu a lawmawm hle rualin, Mizo mipate hmusit zawngin kan changkang tur a ni lo, tiin a sawi bawk.
MHIP Gen Hqrs president hian Thingsai PHC-a nau neihna ward a tlawh nghal a ni.
MLA hmeichhia neih loh hi a rualawh thlak – MHIP president
![](https://theaizawlpost.org/wp-content/uploads/tap_logo-min-large.jpg)