MLA-in free clinic neih
MLA Dr Lorrain Lalpekliana Chinzah chuan Nilaini khan Sinlung Hills Council huamchhung khaw thumah mipui tan a thlawna inentirna a buatsaih.
Adviser to chief minister Dr Lorrain Lalpekliana Chinzah huaihawta free clinic-ah hian Khawlekah damlo 80, Vanbawngah 135 leh Lamherh khuaah 70, a vaiin damlo 285 an inentir a. A thlawnin damdawi a pe bawk.
Lawngtlai East bialtu MLA chuan Sinlung Hills mipui chu hriselna kawngah hmasawnna tur kawng tam tak an nei, tiin sawrkar hmasa hunlaiin ngaihsak an hlawh tawk lo nia a hriat thu a sawi.
Amah pawh District Council hnuaia awm a ni a, District Council hruaitute leh state sawrkar thawhdun that pawimawh zia hretu zing ami a ni tih sawiin, Sinlung Hills Council inthlan turah pawh state sawrkar nena pheikhai rual taka ke pen thei tur hruaitu thlangtling ngei turin a duh tih a sawi a ni.
MLA-in free clinic neih
