Serlui bial chhung khaw hrang hranga tui thianghlim dahkhawlna tur mamawhtu chhungkaw 614 hnenah bialtu MLA Lalrinsanga Ralte chuan plastic tuizem litre 1000 dawng sem thawh thunmna atan a sem.
MLA chuan khawvel sik leh sa inthlak zelah tui thianghlim dahthatna neih a pawimawh tawh hle a, Serlui bial chu khaw lumna hmun a nih angin, tui thianghlim mamawhna a sang bik a; hei vang hian harsa zawkten tui thianghlim leh hrisel in tur dahthatna an neih theihnan tuizem hi sem a ni tih a sawi.
A MLA Fund chu Serlui bial mipui ta a nih angin mipui hriatpui leh hmuh tlakin a theih ang angin khawtinah hmasawnna he fund hmang hian thawkin infiammite tan pawh hman zel a ni tih a sawi bawk.
Serlui bialtu MLA chuan a bialchhung inkalpawhna kawng tha lo lutuk a ngaimawh thu leh Assembly Session-ah te pawh a lo sawi tawh thin thu te sawiin Serlui bial chu Mizoram chak lakluhna pawimawh tak an ni chungin, tun thlengin hmalakna mumal tak a la awm lo chu pawi a tih thu Lalrinsanga Ralte hian a sawi a. Sawrkarin ngaipawimawhin a hma thei ang berin kawng hi siamtha thuai turin an duh tih a sawi bawk.
Serlui bialtu MLA-in a bial chhunga plastic tuizem a sem hi phase hrang hrangah thenin, 1st Phase leh 2nd Phase a lo kalpui tawh a ni.
MLA-in plastic tuizem sem leh
