Aizawl North-II bialtu MLA, minister Dr Vanlalthlana chuan Inrinni khan a bial chhung a tlawh a, hmasawnna tur hrang hrang sawihoin khawtlang hruaitute nen an inkawm.
Ramhlun South khawtlang hruaitute nen an veng huamchhuanga khawtlang hmasawnna tur hrang hrang a hmuna kalin an en ho a, mipui nawlpui chhawr tangkai theih tur leh hmasawnna huapzo, vengchhunga kalpui a nih theih nan ruahmanna an siam a ni.
Bialtu MLA hian Ramthar Venga zirlai, BA gold medalist Lalhriatzuala hnenah laptop a hlan a. YMA Ramhlun South Branch leh Laipuitlang Branch enkawl library-a dah tur zirlaite tan a lehkhabu tangkai, MLA Fund atanga lei chu a hlan nghal bawk.
MLA-in zirlaite tan hlan
