July ni 18, Ningani zinga Major League Soccer (MLS) khelhah Philadelphia Union tan kum 14 mi Cavan Sulivan chu Philadelphia Union tan a inlan a, MLS khel thei naupang ber record thar a siam.
Philadelphia Union midfielder Cavan Sulivan hi kum 14 leh ni 293 a upa a ni a, MLS a player naupang ber ni record hmasa siamtu Freddy Adu record a khum. Record hmasa zawk siamtu Adu hian kum 14 leh ni 306 a upa a nihlai kum 2004 khan DC United tan MLS ah a inlan. kum 19 chhung zet MLS player naupang ber a nih hnuin a record siam hi Sulivan chuan ni 13 in a rawn khum ta a ni. Sulivan-a’n MLS record thar an siam tum hian Philadelphia Union chuan 5 – 1 ngawtin an khingpui New England Revolution an hneh.
Khawvelin Sulivan a hriat chian hmain Manchester City in hma an lo la leh hman reng tawh. MLS a player naupang ber Sulivan hian kum 18 a tlin hunah Manchester City a zawm tura beisei a ni. Tualchhung league sang bera record siam thei meuh a nih vangin ngaihven a hlawh nghal viau a ni. EPL a player naupang ber record siamtu Arsenal rawlthar Ethan Nwaneri chu kum 15 leh ni 181 ni chungin kum 2022 khan Arsenal tan a inlan ve thung.
MLS player naupang ber Sulivan
