Mizoram State Mixed Martial Arts Association (MISMA) chuan Mizoram aiawhin fighter pali leh coach pakhat te chu August ni 24 a?anga ni 29 chhunga 3rd Indian Open MMA Championship khel turin Bhopal-ah a tir leh a, gold medal pakhat leh bronze medal pakhat an rawn hawn.
National championship-a weight pathuma champion ni thei record siam mek Zarmawia, Chite veng leh Flywieght national champion vawi hnih ni ta Nazareth Lal?hazuala, Zemabawk te chu November thlaa Serbia rama Amateur MMA World Championship khelh tur atan thlan nghal an ni. International medalist nih chuan professional luh chhohna kawng ?ha tak a inhawng a, MISMA President T. Lalrinpuia chuan theihtawpa hma lakpui zel an tum thu a sawi. India rama MMA Federation lian ber MMA India chuan national championship bakah Open hrang hrang pali vel a huaihawt ?hin a, chung zinga lian ber chu Indian Open hi a ni.
Coach Jonathan Lalduatliana, Falkland leh fighter Nazareth te hi MISMA Senior Vice President Jeremy L. Pautu hmalakna zarah pawlin a sponsor a, a bak zawng chu chu mahnia sponsor zawnga kal an ni. Tin, kal zawng zawngte hi, an tih ziah ?hin angin, MISMA chuan pocket money a pai vek bawk. Weight khatah State khat a?angin mi pahnih a tel theih angin Senior Flyweight-ah Nazareth leh Hmangaiha an tel.
Indian Open-ah hian Lalhmangaihzuala, Republic veng, Senior Flyweight-a khel chuan Round of 16-ah pal tlangin, quarter final-ah Sandeep Bhagel, Rajasthan chu triangle choke submission hmangin 1st round-ah a hneh a; Semi-Final a team-mate Nazareth chu uiawm takin a hneh zo ta lo va, bronze medal a la ta a ni.
Nazareth Lal?hazuala, Zemabawk; Senior Flyweight-a khel chu a che ?ha hle a, an weight-a Champion lai a ni nghe nghe. Round of 16-ah Donyi Polo, Arunachal Pradesh chu TKO-a hnehin Quarter final-ah Bhavesh Dabgoria, Madhya Pradesh chu Unanimous Decision-in a hneh leh a; semi final-ah a team-mate Hmangaiha chu Unanimous Decision thova hneh lehin final ah Assam fighter ?ha Abhijeet Tripura Chu Unanimous decision-a hnehin a champion ta a ni.
Technical Chairman Samuel Lalrozama chuan MISMA-in fight experience tam thei ang ber pek an tum zel thu sawiin, September, 2023-a Nagaland Fight Night awm turah tuna fighter zinte hi hlawh neia company sponsor veka an fight leh theih nghal tur thu a sawi bawk.
MMA team che tha
