MNF candidate zawhna zawt

Lok Sabha inthlan tura MNF candidate chu Rajya Sabha member a nihna eng vakah a ngai lo nge a duham vang zawk tih ZPM Thalai chuan an zawt.
ZPM Thalai Hqrs. thuchhuak chuan, Assam leh Mizoram sawrkarin ramri chungchanga buaina leh harsatna an tawh lai a, central-a state sawrkar aiawha ding Rajya Sabha MP kan neihchhun Pu K Vanlalvena’n huaisen taka Mizo mipui thiamna leh thlavang a hauh ngam chu chhuanawm an tih takzet rualin, Mizoram aiawha Rajya Sabha MP ni a kum khat leh a chanve chuang hun a la neih lai a, MP candidate-a a tang leh hram duh chuan Rajya Sabha MP a nihna hi engvakah a ngailo nge, a duham vang zawk tih zawh thu a sawi.
Lok Sabha MP inthlan turah ZPM candidate Pu Richard Vanlalhmangaiha chu Mizoram sawrkarin kan state chhung hmasawn theihna tura ruahmanna a neih ang angte chak taka bawhzui a, state sawrkar tha tichaka sawrkar lai thawhpui thei tur, sawrkar laipui dawr kawnga tawng hman thu ah pawh India ram chhunga zahpui awm lo thalai viak tha tak an nei chu an chhuang takzet a, Mizoramin hma a sawn ngei theihna atan ZPM candidate chu Mizoram mipuiin an vote hlu tak hmanga vote sak theuh turin ZPM Thalai Hqrs chuan kan a ni.